កម្មកររោចក្រ Y&W (វ៉ាយអេនដាប់ប៊ែលយូ)ធ្វើកូដកម្ម បិទផ្លូវធ្វេីឲ្យកកស្ទះ ទាំងព្រឹក ……………………
✎ អត្ថបទដោយ: Brocheareast Media
- បានឃើញ:
623
ចែករំលែក:
កម្មកររោចក្រ Y&W (វ៉ាយអេនដាប់ប៊ែលយូ)ធ្វើការ កូដកម្មបិទផ្លូវ ស្រែកតវ៉ាទាមទារឲ្យថៅកែក្រុមហ៊ុនទូទាត់សំណងអតីតភាពការងារ ខណះដែរថៅកែរោងចក្រនេះបានរត់ចោលបាត់ស្រមោល ។
កម្មករនិយោជិតដែលចូលរួមកូដកម្មបិទផ្លូវនោះ មានចំនួនប្រហែល ៤០០៩នាក់ ស្រី ២៦៣៦នាក់ នៅវេលាម៉ោង ០៨:១៥ នាទី ថ្ងៃទី ០៩ខែ មីនា ឆ្នាំ២០២៤ ស្ថិតនៅផ្លូវ២១៧ ភូមិព្រែកជ្រៃ សង្កាត់ស្ពានថ្ម ខណ្ឌដង្កោ រាជធានីភ្នំពេញ ។
តាមប្រសាសន៍ លោក ហ្វា សាលី ប្រធាន សម្ព័ន្ធសហជីពជាតិ បានឲ្យដឹងថា ករណីកូដកម្មនេះ គឺមកពីថៅកែរបស់ពួកគាត់រត់ចោល ដោយបន្សល់ទុកតែសម្ភារ:តិចតួច និងមិនបានទូទាត់សំណងអ្វីឡេីយ ជាទូទៅក្រុមហ៊ុនត្រូវទូទាត់សំណងអតីតភាពការងារដែលមានចំនួន ៥មាត្រា គឺមាត្រា ៧៥ .៨៩.៩១.១៦៦ និងមាត្រា១១៦នៃប្រាក់ឈ្នួលចុង ដែលមិនទាន់បានបេីក ។
លោក ហ្វា សាលី បន្តថា យេីងខ្ញុំសូមអំពាវនាវ ដល់ក្រសួងការងារនិងបណ្តុះបណ្តាលវិជ្ជាជីវ: និងប្រមុខរាជរដ្ឋាភិបាល គួរបន្តយន្តការដោះស្រាយវិវាទនេះ ក្រៅប្រព័ន្ធតុលាការ ឬផ្តល់ប្រាក់បុរេប្រទាន ទូទាត់សំណងសមរម្យណាមួយជូនកម្មករនិយោជិត ដេីម្បីបញ្ជៀសពីការធ្វេីកូដកម្មរាំរ៉ៃ ដែលធ្វេីឲ្យកម្មករនិយោជិតជួបបញ្ហាជីវភាពធ្ងន់ធ្ងរ ។
យ៉ាងណាមុិញ លោកក៏បានអំពាវនាវ ដល់កម្មករនិយោជិតទាំងអស់ សូមធ្វើតាមនីតិវិធី បញ្ជៀសពីការបិទផ្លូវសាធារណៈដែលធ្វើឲ្យកកស្ទះដល់អ្នកដំណើរដែលមានការប្រយ៉ាប់ ឈឺស្កាត់ ឬខាតពេលវេលាគេ ៕
អត្ថបទ: ម៉ៃយ៉ា
#សារព័ត៌មានប្រជារាស្ត្រ-BCRNews
អត្ថបទទាក់ទង
